Mơnhên “Rơtế môi tuăn 5 tơdroăng” dêi ASEAN pơtối cho xiâm kối ki kal ăm tơdroăng mơ-eăm ti tăng troăng hơniâp lĕm ƀă krá tơniăn, Kăn pơkuâ Khu Việt Nam pói vâ Khu lâp kong têa ƀă krê jâ Julie Bishop kô tơrŭm krá tơniăn, châ tơƀrê ƀă ASEAN ƀă kăn teăng mâ dêi Kăn xiâm hnê ngăn ASEAN ‘na Myanmar ing tơdroăng ki nhuô̆m tơniăn krê, hnoăng pơkuâ, tâi tâng tơnêi tơníu, ôh tá veăng tung tơdroăng tung khu, tơtro ƀă tơdroăng mơ-eăm pói vâ dêi kuăn pơlê Myanmar.

Jâ Julie Bishop mơnhên kô mơ-eăm tâi ivá tơná tung hnoăng kăn teăng mâ dêi Kăn xiâm chêh tôm xo rơkong Khu lâp kong têa vâ veăng kum djâ hơniâp lĕm ƀă tơniăn ăm Myanmar; tối nhên Khu lâp kong têa môi tuăn hnoăng djâ troăng dêi ASEAN tung tơdroăng pêi pro.