Tơdah pôa Jonathan Choi, Kăn xiâm hnê ngăn Grup SUNWAH, Kăn xiâm hnê ngăn hâk mơnê Grup kố pơtối mơnhông a Việt Nam, malối cho kơpong hngêi kơmăi Lào Cai. Kăn xiâm hnê ngăn Kuô̆k hô̆i púi vâ Grup tơkŭm mơdêk tơrŭm cheăng pơla mâu kong pơlê tơkăng kong Việt Nam ƀă mâu kong  pơlê dêi kong têa Sinuâ; tăng ‘nâi plĕng tơrŭm cheăng 3 pâ tung pơ’lêh cheăng ƀă kơmăi kơmok, mơdêk ivá cheăng tơdjêp ki pơxúa tơmeăm pê lo.

A rôh tơdah Kăn xiâm  pơkuâ Grup ‘no liăn cheăng pro on tơhrik Vân Nam, Kăn xiâm hnê ngăn Kuô̆k hô̆i khĕn kơdeăn ivá cheăng dêi Grup tung tơdroăng rak tơniăn on tơhrik ăm kong pơlê Vân Nam, tung mê, ai on tơhrik krúa. Ing mê, Pơkâ ‘na on tơhrik 8 dêi Việt Nam, Grup kô chiâng tí tăng ‘nâi plĕng veăng pêi ƀă hnoăng cheăng tơrŭm mơnhông mơdêk nếo  mâu tơdroăng tơkêa bro on tơhrik krúa. Kăn xiâm hnê ngăn Kuô̆k hô̆i tối nhên, tơrŭm cheăng mơjiâng tíu tê mơdró a kăng kong ki rơkê, mơnhông tê mơdró tơmeăm; púi vâ khu mơdró péa tơnêi têa mơdêk ‘no liăn cheăng a kong têa dêi rơpó, tá tê mơdró, ‘no liăn cheăng, mơjiâng pro tơmeăm khoăng.