Tơpui ƀă mâu vâi o, jâ Võ Thị Ánh Xuân, Kăn xiâm phŏ hnê ngăn tơnêi têa tối nhên, tung mâu hơnăm hdrối nah, Đảng, Tơnêi têa ƀă kuăn pơlê pin đi đo ai hên tơdroăng tơmâng ngăn ƀă xoăng kơxô̆ liăn ăm hnoăng cheăng rak ngăn, rak vế ƀă hnê hriâm mâu phô̆m vâ xông kân, mâu vâi hdrêng.

Khĕn kơdeăn hnoăng cheăng ki rơkê plĕng tung pơla hdrối nah, Kăn xiâm phŏ hnê ngăn tơnêi têa rơhêng vâ mâu vâi muăn phô̆m vâ xông kân pơtối pơtó khôi hmâ khên tơnôu dêi hdroâng mơngế, pơtối pơtó mâu rơxông pâ pôa ki hiăng prôk hdrối, ôh tá la lâi pơtê tơ’noăng hriâm tâp, hriâm pât, tơxâng cho ngế kuăn, ngế hok tro rơkê, đô̆i viên ki lĕm, muăn loi Pôa Hồ.