Khía jâ kơdo ai ta kong mêi kân pro tơ’nhiê chât toăng hngêi a Gia Lai
Thứ hai, 14:57, 17/06/2024
Tơplôu: A Sa Ly/VOV
Tơplôu: A Sa Ly/VOV
VOV4.Xơ Đăng - Kơmăng lơ 14/6, a tơring Ia Grai, kong pơlê Gia Lai ai jâ kơdo ai ta kong mêi kân hiăng pro tơtêa kuâ 22 toăng hngêi kuăn pơlê ƀă pro tro tơ’nhiê mâu ƀăng deăng loăng plâi sầu riêng, kơxu, plâi hôt.
Tiô riân dêi Ƀơrô Pêi chiâk deăng mơnhông thôn pơlê tơring Ia Grai, kong pơlê Gia Lai, khía jâ kơdo a cheăm Ia Krai pro tơtêa kuâ 2 toăng hngêi, tơruih dâng 1 tâ̆n plâi sầu riêng dế hbrâ krí; cheăm Ia Krai ai 20 toăng hngêi tro tơtêa kuâ ƀă mâu tơmeăm kum ki ê môi tiah trăng on tơhrik, troăng kân, kuâ hngêi... lối 3 ha plâi hôt ƀă dâng 700 xiâm loăng kơxu tro kơtong.
Klêi kơ’nâi ‘nâi tơdroăng, khu râ kăn pơkuâ Vi ƀan tơring Ia Grai hiăng ai mâ a mâu cheăm ƀă hnê mơhno khu râ kăn pơkuâ cheăm mơhnhôk khu lêng kuăn pơlê tŏng kum kuăn pơlê rơnêu kế tơmeăm khoăng tro tơ’nhê.
Viết bình luận