Xua tơdjâk khía mơhot kân rôh má 3 plong mot, têa rơlêa ƀă tơnêi tơhnâp a mâu kong pơlê hiăng pro 200 ngế hlâ ƀă hía; 760 ngế tro rong. Tơnêi pêt báu, prá alâi ƀă loăng plâi tro têa lu, tơ’nhiê troh 200 rơpâu ha. A mâu kong pơlê ki khía plong mot, chât rơpâu toăng hngêi tro tơhnâp, tơ’nhiê, tơtêa kuâ.

Riân ki lŭp xua khía kân plong pro tơ’nhiê troh chât rơpâu rơtal liăn. Ƀă tơdroăng ‘’veăng gum dêi rơpó’’, “Hlá lĕm gum hlá tơchiê’’, Khu Hnê mơhnhôk cheăng xiâm tơnêi têa krếo thế tâi tâng mâu kăn bô̆, mâu ngế pơkuâ mâu tíu pêi cheăng tơnêi têa, mâu ngế pêi cheăng ăm tơnêi têa a mâu kơ koan, mơngế pêi cheăng pêi pro tiô rơkong krếo thế dêi Vi ƀan Xxâm Măt trâ̆n tơnêi têa Việt Nam mơhnhôk veăng tơlo liăn, tơmeăm gum mâu kuăn pơlê ki trâm pá xua khía kân pro têa lân lu rĕng tơkâ xua tơdroăng pá.

Rêm ngế kăn bô̆, mâu kăn pơkuâ rêm tíu pêi cheăng, mâu ngế pêi cheăng ăm tơnêi têa veăng tơlo ki iâ 1 hâi liăn khế vâ veăng gum kuăn pơlê ki dế trâm pá xua kong prâi pro ôh tá tơniăn.