Xông tơpui a roh pêi cheăng, pôa Lương Cường pơkâ thế Khu pơtâng tối tơdroăng kal tơnêi têa kal tơkŭm ‘nâi nhên tơdroăng tơdjâk troh tơdroăng pơtâng tối tơdroăng kal tơnêi têa, hbrâ, hriăn plĕng tơbleăng pơkâ ‘na tơdroăng mơjiâng Đảng, ‘na kal kí, troăng tơmiât hiêm mơno.

Tơdrêng amê, kal tơrŭm ƀă mâu kơ koan ki tơdjâk vâ tơbleăng, pơkâ mơjiâng khu tơrŭm cheăng, kăn ƀô̆. Kăn hnê mơhno má môi tơdroăng cheăng Đảng tối, thế thăm pêi tâ mê nếo tơdroăng tối tơbleăng tơdroăng, pơtâng tối vâ mơjiâng tơdroăng môi tuăn tung Đảng ƀă tâi tâng pơlê pơla, khŏm xúa ki rơkê Chuh ngiah Mác – Lênin ƀă troăng tơdjâ Hồ Chí Minh tung rơxông nếo.

Thế rak pơkâ, khŏm rak krá tuăn tơmiât ƀă xúa pơhlêh nếo, mơnhông tơmiât pêi rơkê, ôh tá khăng kơnhêng ko, pro mơdon, tơngôu, thâ. Pơtối pêi tơtro tâ nếo hnoăng cheăng dêi tơná tung la ngiâ.