Xông tơpui a roh pêi cheăng, pôa Nguyễn Trọng Nghĩa tối mâu tơdroăng ki tá hâi tơtro, pá puât tung kơvâ tơdroăng pêi cheăng khôi túa, vêa vong lĕm tro, tơ’noăng ivá, ôm hyô ƀă tối mâu tơdroăng ki Khu pơkuâ Đảng ƀô̆ Khôi túa lĕm, Tơ’noăng ivá ƀă Ôm hyô kal tơkŭm pơkuâ, hnê mơhno pêi pro môi tiah kal pơtối mơdêk tơdroăng mơjiâng, pơhlêh tung Đảng, pơtối kêi đeăng troăng pơkâ pêi, troăng hơlâ, luât, pro tơtro pơkâ pơkuâ khôi túa lĕm, rah tŭm tâi tâng khu cheăng tơnêi têa dêi kơvâ khôi túa lĕm, tơ’noăng ivá ƀă ôm hyô tiô troăng tơ’lêi hlâu, châ tơƀrê.

Pơtối tơmâng mơjiâng mâu khu cheăng, ki má lối khu pêi cheăng rơkê dêi kơvâ khôi túa lĕm, tơ’noăng ivá ƀă ôm hyô. Pôa Nguyễn Trọng Nghĩa pơkâ thế kal thế mơgêi tơpui leăng, hriăn plĕng ƀă mơdêk râ ‘na mơgêi tơdroăng nôkố, hriăn plĕng mâu tơdroăng ki rơkê tơtro, mơdêk ƀă tơpui leăng vâ hbrâ inhên ăm Hneăng hôp roh má 14.