Khu ki lăm ngăn Tiêuh ƀan Tơdroăng cheăng Đảng Hneăng hôp 14 pêi cheăng a kong pơlê Dak Lak
Thứ ba, 08:59, 16/07/2024
Tơplôu: Katarina Nga/VOV
Tơplôu: Katarina Nga/VOV
VOV4.Xơ Đăng - Kơxo lơ 15/7, pôa Nguyễn Trọng Nghĩa, Ngế xiâm pơkuâ Khu pơtâng tối tơdroăng kal tơnêi têa pơkuâ djâ khu kăn lăm ngăn Tiêuh ƀan Tơdroăng cheăng Đảng Hneăng hôp 14 hiăng ai rôh pêi cheăng a kong pơlê Dak Lak.
Tơpui a rôh pêi cheăng, pôa Nguyễn Trọng Nghĩa tơmâng xo ƀă mơnhên tối khât mâu ivá mơ-eăm ƀă mâu tơdroăng ki hiăng pêi pro klêi dêi khu pơkuâ ngăn cheăng Đảng ƀô̆ kong pơlê, Khu pơkuâ ngăn cheăng Đảng kong pơlê Dak Lak tung pơkuâ, hnê mơhno pêi pro mâu hnoăng cheăng pơkâ mơ’no tung hneăng po Hneăng hôp 13 xuân môi tiah pêi pro mâu tơdroăng cheăng Đảng pơla hơnăm 2011 – 2025.
Tối nhên troh tơdroăng cheăng nếo mơ’no ăm rôh tơ’lêi ƀă pơloăng mơnúa, pơkâ mơ’no hên ƀă mâu tơdroăng cheăng mơjiâng Đảng ƀă pêi pro tiô tơdroăng Đảng tung tơdroăng nếo, pôa Nguyễn Trọng Nghĩa hiăng mơhno mâu tơdroăng ki Đảng ƀô̆ kong pơlê Dak Lak kal tơkŭm pơkuâ, hnê mơhno pêi pro mâu tơdroăng tung la ngiâ.
Viết bình luận