Kơxê hâi lơ 15/9, khu rơxế kân chơ tơmeăm pơxiâm lo ing kong pơlê Kon Tum lăm tŏng gum mâu kuăn pơlê a kơpong tro têa lu kong pơlê Tuyên Quang. Khu tŏng gum mê hiăng klâ xoăng, pơkâ ăm tơtro tung 4 toăng rơxế kân ai ƀaih ki hding mêi tô tơniăn ăm mâu tơmeăm ôh tá châ kơchoh. Tơdroăng chơ, klâ xoăng, tông, xui chât tâ̆n tơmeăm a tíu tơkŭm troh a plông kân lơ 16/3 a pơlê kong kơdrâm Kon Tum ối ai krâm kuăn pơlê.

Ƀă púi vâ  mâu tơmeăm tŏng gum mê châ pơtroh a kŏng kuăn pơlê kơpong tro têa lu a kong pơlê Tuyên Quang, khu veăng tŏng gum ing kong pơlê Kon Tum hbrâ tơpui hdrối ƀă mâu kơ koan khu râ pơkuâ cheăng ƀă hiăng châ hnê pêi pro xuân môi tiah tíu ki kuăn pơlê kal châ tŏng gum.