Klêi tâng kăn teăng mâ ngăn ‘na Cheăng kâ Xiâm tơnêi têa tơbleăng, veăng hnê tối dêi mâu kơ koan, khu xiâm kal kí hiăng tơpui tơno ƀă hiăng vâ môi tuăn mâu troăng hơlâ, tơdroăng vâ pêi ki kal. Tối mơgêi hneăng hôp, pôa Tô lâm Kăn xiâm pơkuâ hnê ngăn Đảng, Kăn xiâm hnê ngăn tơnêi têa tối nhên Pơlê kong kân pơtối tăng ‘nâi plĕng, hnê ngăn khẩ, tơbleăng tối, tăng ‘nâi plĕng pơkâ mâu luât ki tơƀrê tâ vâ pêi tơƀrê ƀă tơdroăng mơnhông dêi pơlê kong kân Hải Phòng tro tiô troăng hơlâ troh hơnăm 2030, mâ ngăn tơdroăng vâ pêi troh hơnăm 2045.

Tung kơxo hâi lơ 13/9, Khu xiâm Kal kí hôp hnê tối ‘na tơdroăng Tơkêa  bro mơjiâng pơlê kong kơdrâm Huế chiâng pơlê kong kơdrâm râ xiâm tơnêi têa  mơhno nhên ki púi vâ, môi tuăn dêi tâi tâng kuăn pơlê; pro xiâm ki vâ kong pơlê Thừa Thiên Huế  pơtối mơnhông tơdroăng hmâ pêi pro ki lĕm ing tan nah dêi kăch măng, pơtối rak tơmeăm khoăng kơnía git Pơlê xiâm ton nah ƀă túa lĕm tro Huế, mơjiâng  pơlê kong kơdrâm Huế cho xiâm dêi kơpong Tơdé tơnêi têa  tơxâng ƀă tơdroăng púi vâ dêi Tíu xiâm Đảng, Khu xiâm Kal kí ƀă kuăn pơlê tung lâp tơnêi têa.