Kơxo lơ 11/6, Đảng ủy Kŏng an Tơnêi têa tơrŭm ƀă Ƀơrô cheăng Tíu xiâm Đảng ƀă Khu tơrŭm Tơnêi têa tơkŭm po Leh tơbleăng Pơkâ dêi Khu xiâm ngăn tơdroăng kal kí pơkâ thế Thươ̆ng tươ̆ng Lương Tam Quang, Ngế cheăng tung Tíu xiâm Đảng, Ngế xiâm ngăn Kŏng an pro kăn pơkuâ ngăn Đảng ủy Kŏng an Tơnêi têa pơla hơnăm 2020 – 2025.

Tơpui drêng xo pêi dêi hnoăng cheăng, pôa Lương Tam Quang  mơnê tơdroăng ki tơmâng xo, tơngah, pơcháu hnoăng cheăng dêi Đảng, cho ngế ki cheăng tung Khu xiâm ngăn tơdroăng kal kí, Khu pơkuâ ngăn Đảng, pôa Nguyễn Phú Trọng, Kăn xiâm pơkuâ hnê ngăn Đản. Pôa Lương Tam Quang, ngế xiâm pơkuâ tơhrâ tung hnoăng cheăng nếo kô tơrŭm, môi tuăn, rơtế ƀă tâi tâng Đảng ủy Kŏng an Tơnêi têa pơtối pơtó, mơdêk khôi hmâ khên tơnôu, pêi pro kơtăng, tơƀrê hnoăng cheăng ki châ pơcháu. Pôa Lương Tam Quang, Ngế xiâm pơkuâ tơpui a rôh xo pêi dêi hnoăng cheăng.

Rak vế pêi pro kơtăng mâu tơdroăng cheăng kal kí, tơdroăng pơkâ dêi Đảng, mâu tơdroăng pơkâ dêi Tơnêi têa, malối cho tơdroăng pơkâ tơkŭm tơniăn krê; vâ mơdêk hnoăng cheăng djâ troăng, mơdêk hiâm mơno khên tơmiât, khên pêi, khên pôu râng; tâi hiâm mơno tơná xua tơdroăng cheăng tơdjuôm.