A tơdroăng kố, mâu ƀok thái pơkeăng a kong pơlê Dak Lak, Thừa Thiện Huế ƀă Pơlê kong kân Hồ Chí Minh rơtế mâu ngế ki pleăng tơdroăng vâ lăm tŏng gum mơngế pá puât mê cho ca sih, nhak sih hiăng rơhdruê hên tơdroăng rơhdruê ƀă mâu tơdroăng pơtâng tối ‘na tơdroăng tuăn pâ pơlê xiâm tơnêi têa ƀă kuăn mơngế, tơdroăng ki hâk tơngăm hdroâng mơngế.

Khu pơkuâ tơdroăng pơkâ ‘măn tâi tâng kơxô̆ liăn veăng tơlo châ tung kơmăng mơđah rơhdruê nhak vâ xing xoăng ăm mâu hnoăng hmê a mâu hngêi pơkeăng a 3 kong pơlê Yên Bái, Tuyên Quang ƀă Lào Cai, cho mâu kong pơlê tro tơdjâk xua kong mêi khía mơhot râ ó. Klêi kơ’nâi 8 hơnăm pêi cheăng, troh nôkố tơdroăng Kơđiah hmê a kơnâng Ƀuôn Ma Thuột hiăng mơhnhôk châ 30 rơtal liăn, bê xing xoăng dâng 1 rơtuh 500 hnoăng hmê tŏng gum mâu ngế châi ƀă nhŏng mơngế châi ai tơdroăng rêh ối pá puât a 15 hngêi pơkeăng a kong pơlê Dak Lak.