Ki hdrối tâ, mâu tơring, cheăm tơrŭm ƀă Tíu xiâm hành chính công, Ƀơrô cheăng Vi ƀan hnê ngăn kong pơlê Kon Tum lăm ngăn tíu ki vâ pro tiô tối hdrối pro tíu cheăng mâu kơvâ cheăng môi tíu râ cheăm (nếo). Pơkâ troăng tơmiât pêi cho tơdroăng ki kơjo gum tíu cheăng tơ’lêi hlâu, tơ’lêi hlê ƀă ai tŭm hnoăng vâ pro, rak vế ăm kuăn pơlê ƀă khu mơdró kâ tơ’lêi hlâu tăng troh vâ chêh pro hlá mơ-éa.

Tíu cheăng ki pêi môi tíu lĕm rơkê dêi cheăm, bêng, pơlê kân kô châ vêh mơnhên tối hnoăng cheăng. Tâng pêi châ tơdroăng púi vâ, kô châ rah xo pro tíu cheăng chêh pro mơ-éa dêi cheăm nếo. Tiô tối hdrối, kong pơlê Kon Tum klêi ‘mot tơkŭm ối 3 to bêng ƀă 37 to cheăm.