Krê tung 3 hâi tơ’noăng, rêm hok tro hdroâng kuăn ngo ƀă hok tro ai tơdroăng rêh ối pá puât rêm ngế o kô châ tŏng kum sap ing 250 – 300 rơpâu liăn. Rơtế amê Khu pơkuâ Đoân Droh rơtăm kong pơlê Kon Tum xuân hiăng mơjiâng mâu khu ki pleăng hnoăng cheăng a 12 tíu tơ’noăng hbrâ tŏng kum mâu vâi o tíu ối ƀă rơxế prôk lăm. Hneăng tơ’noăng mơgêi râ má pái phôh thong Tơnêi têa hơnăm kố kong pơlê Kon Tum ai lối 5.000 ngế hok tro kĭ veăng tơ’noăng, tung mê, ai lối 1.700 ngế hok tro hdroâng kuăn ngo.

Tơdroăng tŏng kum hok tro hdroâng kuăn ngo rơtế ai 1.100 ngế hok tro ai tơdroăng rêh ối pá puât hriâm tâp tơdroăng ki rơkê xuân môi tiah tung mâu hâi tơkŭm po hneăng tơ’noăng châ mâu khu râ kăn pơkuâ, rêm râ ƀă kơvâ hnê hriâm ƀă hnê mơjiâng tuăn ngôa rơkê kong pơlê Kon Tum tơmâng hên khât.