Kon Tum thăm pơtroh khu ki mơjiâng bro troăng kơxái 500KV
Thứ năm, 06:00, 30/05/2024
Tơplôu: Katarina Nga/VOV Tây Nguyên
Tơplôu: Katarina Nga/VOV Tây Nguyên
VOV4.Xơ Đăng - Pêi pro tơdroăng hnê mơhno dêi Grup pơkuâ On tơhrik Việt Nam ƀă Kŏng ti xiâm On thrik peăng Tơdế tơnêi têa, kơxo lơ 29/5, Kŏng ti On tơhrik Kon Tum tơkŭm po Leh ăm khu pleăng dêi hnoăng cheăng tŏng kum mơjiâng bro troăng kơxái 500KV mạch 3 ing Quảng Trạch (Quảng Bình) troh Phố Núi (Hưng Yên).
Kố cho troăng kơxái ki kal dêi tơnêi têa ƀă pơkâ thế dêi Ngế pro xiâm hnê ngăn Chin phuh hrá má môi cho a hâi lơ 30/6/2024 athế pro klêi tơdroăng tơkêa vâ mơdêk tơ’nôm tơdroăng ki mơ’no on tơhrik ăm peăng Kơnhŏng. Khu ki pleăng dêi hnoăng dêi Kŏng ti On tơhrik Kon Tum a 15 ngế cheăng. Khu ki châ pơcháu hnoăng cheăng krâ ‘măn mơdâng trăng a tíu 374, ối tung cheăm Nghi Văn, tơring Nghi Lộc, kong pơlê Nghệ An.
Pôa Nguyễn Văn Hạnh, Kăn pơkuâ Kŏng ti On tơhrik Kon Tum ăm ‘nâi, tíu pêi cheăng hiăng tăng ‘nâi tơdroăng, kong pơlê pêi pro hnoăng cheăng vâ rah xo kuăn mơngế ƀă túa pơkâ pêi tro ƀă tơdroăng pơkâ thế. Tíu pêi cheăng hiăng hbrâ rơnáu tŭm tá rơxế, kế tơmeăm vâ rak vế tơniăn pro tá kong măng.
Viết bình luận