Veăng leh mơhnhôk mâu kăn hiăng mơdoh iâ môi phut tơbâ troh mâu ngế ki hlâ ƀă mâu kăn ƀô̆ mâu lêng ki hiăng hlâ tung pơla pêi hnoăng cheăng tŏng kum kuăn pơlê tro têa lu. Leh mơhnhôk mê, hên khu pú hên, mâu ngế xuân hiăng chêh inâi vâ veăng tơlo, tung mê, ki hên má môi cho kăn ƀô̆ ƀă kuăn pơlê tung pơlê kong kơdrâm Kon Tum veăng gum 400 rơtuh liăn.

Khu kăn Đảng - Hô̆i đong kuăn pơlê, Vi ƀan Măt trâ̆n tơnêi têa Việt Nam kong pơlê Kon Tum krếo thế kăn ƀô̆, kuăn pơlê tung kong pơlê veăng tơlo liăn kum kuăn pơlê mâu kong pơlê, pơlê kong kơdrâm peăng Kơnhŏng tro têa luâ khía mơhot kân rôh má 3 pro; mơhnhôk rêm râ, kơvâ cheăng, mâu kơ koan, khu tơrŭm, mâu ngế ai tuăn hơ-ui ƀă kuăn pơlê ƀă hiâm mơno pêi pro ai pơxúa veăng gum vâ kuăn pơlê ki trâm pá xúa khía rôh má 3 pro rĕng tơkâ luâ xơpá, tơniăn tung rêh ối.