Tung rôh hôp a peăng kơxo, Ngế xiâm ngăn Khu xiâm ngăn Túa lĕm, Tơ’noăng ivá ƀă Ôm hyô, xo pêi hnoăng cheăng pro Ngế pro xiâm hnê ngăn Chin phuh tối Tơdroăng ‘na troăng rơhlâ ‘no liăn cheăng Tơdroăng pơkâ dêi tơnêi têa ‘na mơnhông túa lĕm tro pơla hơnăm 2025-2035. Klêi mê, Ngế pơkuâ Vi ƀan ngăn Túa lĕm tro, Hnê hriâm dêi Kuô̆k hô̆i tơbleăng séa ngăn troăng rơhlâ ‘no liăn pêi Tơdroăng pơkâ dêi tơnêi têa ‘na mơnhông túa lĕm tro pơla hơnăm 2025 - 2035.

Pơtối mê, Kuô̆k hô̆i pơtối pơtối tơpui a hngêi hôp kân ‘na tơdroăng tơkêa bro Luât rak ngăn, xúa pháu trếo pơtôu, tơmeăm chiâng pơtôu  ƀă  tơmeăm pro chiâng pơtôu (ki ‘mâi hơ’lêh); teăng mâ Chin phuh tối troăng tơhlâ, mơnhên mâu tơdroăng ki mâu kăn Kuô̆k hô̆i tối. Rôh pêi cheăng peăng kơxêi pơxiâm tơbleăng tơdroăng tơkêa bro Luât Kŏng đoân (‘mâi hơ’lêh) dêi Kăn xiâm hnê ngăn Khu xiâm ngăn cheăng pêi Việt Nam; Ngế pơkuâ Vi ƀan pơlê pơla dêi Kuô̆k hô̆i tơbleăng tối tơdroăng séa ngăn luât Kŏng đoân (‘mâi hơ’lêh).