Mâu kăn Kuô̆k hô̆i tối tiah kố kố cho troăng ki a pơxúa kal khât tung tơdjêp mâu troăng kân, tơdjêp troăng ki xiâm dêi kơpong Tây Nguyên ƀă Đông Nam Bộ.

Tơdroăng ki ‘no liăn bro troăng kô rế hía rế bro klêi troăng kân tiô pơkâ, lôu péa ăm tơdroăng mơnhông mơdêk nếo ăm mâu kong pơlê ƀă thăm mơdêk tơrŭm tung kơpong, pro chiâng ivá tơdjâk, tơ’lê hlâu tơdjêp ƀă Tơraih tơƀai lâp plâi tơnêi Long Thành ƀă kơno tuk Cái Mép – Thị Vải, kum ăm tơdroăng mơnhông mơdêk cheăng kâ rêh ối kơpong Tây Nguyên ƀă Đông Nam Bộ, kum thăm mơdêk tơdroăng ki rak vế tơniăn tơdroăng cheăng lêng, gâk kring. Laga, troăng Chơn Thành – Đức Hòa nôkố bu cho túa pơkâ bro troăng râ má 3 tơdâng, kal hriăn ngăn, rơnêu troăng kố rơtế ƀă ăm 4 to rơxế kơtâu môi tiah troăng Gia Nghĩa – Chơn Thành.