Mâu kăn Kuô̆k hô̆i tối vâ môi tuăn  ƀă tơdroăng chêh tơbleăng dêi Chin phuh tối ki mơnhông tơbrê ki tâk ‘na cheăng kâ kân tơniăn, mâu tơdroăng ki tơdâng tơ’mô dêi tơdroăng cheăng kâ xiâm châ tơniăn, liăn ngân ‘no mơjiâng tơmeăm khoăng tơnêi têa châ 17,4% tiô pơkâ, hên má môi tung 4 hơnăm a chê kô, cho xiâm ki mơnhông tơƀrê tung tơnêi têa.

Tung pơla dế ai hên tơdroăng xơpá, mâu kăn tối nhên: Tơdroăng ki hlo tơƀrê  cho tung kơvâ pêi chiâk  pơtối mơhno hnoăng cheăng ki kâi trâng ton dêi tơdroăng cheăng kâ, tơniăn tơdroăng rêh ối pơlê pơla, tơniăn ‘na kế kâ dêi tơnêi têa. Pêi chiâk, kuăn pơlê ki pêi chiâk, thôn pơlê dế chôa pơ’lêh tơná tung tơdroăng mơjiâng thôn pơlê nếo ƀă ai mâu hnoăng veăng ‘no hên a tơdroăng  ki mơdêk pê lo kế tơmeăm.