Ing mê, Vi ƀan hnê ngăn kong pơlê Lâm Đồng pơkâ thế mâu kơ koan tíu pêi cheăng, mâu tơring ƀă pơlê kong kơdrâm Đà Lạt, Bảo Lộc tơkŭm séa ngăn nhên, châ ‘nâi teăm tơdrêng mâu kơpong ki nhôm tơ’lêi tro tơnêi tơhnâp, têa rơlêa, têa lân lu, malối kơpong ai kuăn pơlê ối, hngêi trung, tíu pêi cheăng, mâu tíu păn mơnăn, hngêi kơmăi...

Thế djâ kuăn pơlê ƀă tơmeăm khoăng rĕng lo ing tíu ki ôh tá rơ-iô, ai pơkâ pêi pro rak tơniăn ăm kuăn mơngế, kơdroh ki tro lŭp tơmeăm, pôi tá ai tơdroăng ki prá kơdrâ. Pakĭng mê, hbrâ mơhno tíu ối, veăng gum, pro tơniăn ăm tíu ối pơtân, tơniăn tơdroăng rêh ối ăm mâu rơpŏng ki xĕn ối pơtân tíu ê. Krê tơring Dam Rông, Vi ƀan kong pơlê Lâm Đồng hnê mơhno mơ-eăm tơkâ luâ xơpá tơnêi tơhnâp a cheăm Dà K’Nàng, tơkŭm  lăm pôu, hơlêm, veăng kum mâu rơpŏng ngế hlâ.