Nôkố Lâm Đồng ai lối 29 rơpâu kăn ƀô̆, kŏng chưk, viên chưk, laga tuăn ngôa rơkê, ivá pêi cheăng ƀă ki hôm tung pêi cheăng ối iâ, tá hâi tơxâng pơkâ mơnhông cheăng kâ - rêh ối pơlê pơla, mot tơrŭm lâp plâi tơnêi.

Vâ tah lôi tơdroăng kố, kong pơlê pơkâ tơbleăng tơdroăng tơkêa bro mơhnhôk, hnê mơjiâng kăn ƀô̆, kŏng chưk, viên chưk tung kong pơlê troh hơnăm 2030, ƀă tâi tâng kơxô̆ liăn pêi pro lối 265 rơtal liăn ing liăn ngân tơnêi têa. Tung mê, lối 135 rơtal liăn ‘măn vâ mơhnhôk 355 pơkâ pêi plah, ki ê cho kơxô̆ liăn tŏng kum hnê mơjiâng 578 ngế kăn ƀô̆, kŏng chưk, viên chưk.