Mơ’no tơdrêng troh mâu tíu hrik ‘no hyôh dêi mâu Học viện mê. Teăng mâ Kăn xiâm Đảng, Tơnêi têa, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa hiăng troh veăng leh ƀă tối tơbleăng. A rôh Leh, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa hiăng diâp Mê dai Pêi cheăng ối Má môi, hnoăng mơhá ki kơnía dêi Đảng, Tơnêi têa ‘măn ăm Học viện Chính trị Quốc gia Hồ Chí Minh.

Tơbleăng a rôh Leh, pôa Tô Lâm Kăn xiâm pơkuâ hnê ngăn Đảng, Kăn xiâm hnê ngăn tơnêi têa pơkâ thế, mơjiâng Học viện ăm chiâng túa ki mơhno ‘na tơdroăng mơjiâng Đảng; túa mơhno ‘na rơdroăng rak vế pê pro tro luât pơkâ  tung hngêi trung, pêi pro tro luât tung hriâm tâp, tíu ki xiâm hnê mâu ngế rơkê ai hiâm mơno lĕm dêi Kŏng sản; tíu xiâm vâ hriâm pât Đảng, hnê túa lĕm tro dêi Đảng troăng rơhlâ kal kí krá tơniăn ăm kăn ƀô̆, đảng viên veăng hriâm, hriâm tơ’nôm a Học viện; pơtối veăng kơjo kum, rơtế ƀă mâu Hngêi trung kal kí vâ rĕng châ  mơnhên tro kân tâ; pê klêi túa Học viện ki rơkê; rak ƀă tơbleăng lâp lu mâu tơdroăng ki kơnía dêi túa lĕm tro Hngêi trung Đảng troh mâu Hngêi trung Kal kí  ƀă mâu tíu hnê ki ê tung lâp tơnêi têa.