Dak Lak cho môi tung 12 kong pơlê, pơlê kong kơdrâm, châ Khu xiâm pơkuâ Kŏng an rah xo cho kong pơlê tơkŭm po Leh mơhno mâ tíu mơnúa pêi pro dêi lâp tơnêi têa. A kong pơlê Dak Lak ai lối 9 rơpâu ngế kuăn pơlê khu lêng gâk kring a pơlê pơla sap ing lơ 1/7.

Văng leh mơhno mâ khu lêng veăng gâk kring a pơlê pơla a Dak Lak, Trung tươ̆ng Lê Quốc Hùng – Ngế xiâm pơkuâ Kŏng an tối rơdêi ki kal dêi kong pơlê ton xŏn Dak Lak – Tây Nguyên ƀă ki kal dêi hnoăng cheăng tơniăn gâk kring a pơlê pơla, veăng gum mơjiâng krá tơniăn tơdroăng gâk kring kuăn pơlê, tơdroăng gâk kring tâi tâng kuăn pơlê tung tơdroăng ‘’Tâi tâng kuăn pơlê gâk kring tơnêi têa’’.

Pôa Lê Quốc Hùng, Ngế xiâm phŏ pơkuâ Khu xiâm Kŏng an tối rơdêi mâu hnoăng cheăng ki kal ƀă rak tơniăn gâk kring a pơlê pơla ƀă mâu khu râ a kong pơlê Dak Lak.