Pơlê kong xiâm Hà Nội nôkố dế trâm hên tơdroăng pơloăng mơnúa tung mê ai tơdroăng ki ‘mêi ‘na kong prâi tơnêi tơníu, malối cho kong prâi tơnêi tơníu, hyôh khía.

Pôa Nguyễn Minh Tấn, Kăn phŏ ngăn Khu ngăn tơmeăm khoăng tung têa a tơnêi ƀă hyôh kong prâi Hà Nội ăm ‘nâi, vâ pơkâ tơleăng tơdroăng kố, pơlê kong kân hiăng hriăn ngăn, mơjiâng bro ƀă pê pro mâu troăng hơlâ tŏng kum, tơdroăng ƀă tơdroăng tơkêa rak vế kong prâi tơnêi tơníu ƀă hyôh kong prâi, pơkâ mâu troăng hơlâ tŏng kum ki kal vâ hơ’lêh kong prâi tơnêi tơníu, hbrâ ví ƀă kong prâ pro hơ’lêh tơmiât troh mơnhông krá tơniăn ăm Pơlê kong xiâm môi tiah túa pơkâ pơkuâ ngăn ki dâi lĕm hyôh kong prâi troh hơnăm 2030, troăng tơmiât troh hơnăm 2035. Tơdroăng tơkêa hơ’lêh mâu têa kroăng tung pơlê kong kân, Túa pơkâ pêi pro hbrâ ví ƀă kong prâi pro hơ’lêh pơla hơnăm 2025 – 2030.