Rôh tơ’noăng pơxiâm sap hâi kố ta troh hâi lơ 14/7/2024, tơpui hên a 3 tơdroăng kal, tơdroăng pơkâ pêi ki xiâm: Mơjiâng tíu pêi cheăng rơdêi ‘na kal kí, tuăn mơno tơchĕng tơdroăng lĕm, ai tuăn lĕm, trŭm cheăng ƀă kăn ƀô̆; pêi tơdroăng cheăng kal kí châ tơƀrê, pơxúa má môi, tơkŭm pêi mâu tơdroăng cheăng ki pơxúa, tơƀrê.

Ing mê, tâi tâng mâu kăn ƀô̆, mâu lêng ‘nâi hlê tro, ‘nâi tơmiât nhên, ‘nâi hnoăng cheăng pêi tơná ƀă kơ koan, tíu pêi cheăng, vâ xo pêi ƀă pê klêi tŭm tơdroăng ki châ pơcháu. Vâ pêi tro rôh tơ’noăng kố, Đảng ủy, Khu xiâm pơkuâ ngăn lêng kong pơlê Dak Lak pơkâ thế mâu kơ koan, đông lêng, tíu pêi cheăng tăng ngăn tâi tâng tơdroăng cheăng pêi, tơdroăng cheăng pêi tiô pơkâ tung hơnăm ƀă hneăng pơkuâ cheăng hiăng ‘nâi nhên, ing mê, mơhnhôk thế kơ koan, tíu pêi cheăng pê klêi tŭm tơdroăng ki pơcháu, veăng ‘no hnoăng mơjiâng kơ koan, tíu pêi cheăng rơdêi tung tŭm tơdroăng “djâ troăng lĕm a hdrối, pêi cheăng kơhnâ rơkê’’.