A roh hôp, Khu hnê mơhno má môi Chin phuh ƀă khu râ kăn pơkuâ mâu khu xiâm, kơvâ cheăng hiăng tơmâng ƀă tơpui tơno ‘na tơdroăng hriăn plĕng, mơjiâng tơdroăng tơkêa bro, tơbleăng tâi tâng ‘na tơdroăng tơkêa bro, xuân môi tiah pơkâ troăng pêi, troăng prôk, kŏng ngê̆, liăn ngân ƀă mâu tơdroăng ki tơdjâk mơjiâng troăng rơxế lơtreng kơtâu têi Peăng Kơnhŏng – Peăng Hdroh.

Mơgêi roh hôp, pôa Phạm Minh Chính, Ngế pro xiâm hnê ngăn Chin phuh pơkâ rơtế ƀă mơjiâng tơdroăng tơkêa bro, thế mơdêk hnê mơhno xúa kŏng ngê̆, pơkuâ rơkê, tiô chal nếo tung pơkuâ, xúa ăm rơxế prôk ƀă troăng klông; tơkŭm po hnê mơjiâng mơngế pêi cheăng, ƀă mơnhông mơjiâng troăng rơxế lơtreng ƀă mâu tơmeăm troăng rơxế lơtreng ƀă troăng pêi pro ki tơtro.

Rơtế ƀă mơjiâng Tơdroăng tơkêa bro troăng hơlâ mơ’no liăn mơjiâng troăng rơxế lơtreng a troăng Peăng Kơnhŏng – Peăng Hdroh tơbleăng râ ai hnoăng tung hơnăm 2024, mơjiâng mâu tơdroăng tơkêa bro pro lĕm troăng rơxế lơtreng nôkố, a ngiâ kơjo mơ’no liăn pro troăng rơxế lơtreng Lào Cai – Hà Nội – Hải Phòng.