Sap mơ’nui hơnăm 2023 troh nôkố, Chin phuh ƀă Ngế pro xiâm hnê ngăn Chin phuh pơkâ tơkŭm ‘no liăn cheăng ƀă pêi kơtăng hnê mơhno pro rĕng klêi troăng kơxái 500 kV troăng 3 sap Quảng Trạch (Quảng Bình) troh Phố Núi (Hưng Yên), mơ-eăm pro vâ rĕng kêi hdrối hâi lơ 30/6/2024.

Mâu khu xiâm kơvâ cheăng, rêm râ Đảng, mâu kăn kong pơlê tơring hiăng tơmâng pêi kơtăng; Grup ngăn on Tơhrik Việt Nam, Kŏng ti Xiâm ngăn on tơhrik dêi tơnêi têa hiăng tơkŭm mơ-eăm pêi kơhnâ khât, tơdrêng ƀă Khu drup, Kŏng Ti xiâm ngăn on tơhrik, khu mơdró ki tơdjâk troh, malối cho tơdroăng  mơ-eăm khât dêi dêi mâu khu ‘no liăn mơjiâng pro, tíu pêi cheăng hnê tối ăm vâ chê 15 rơpâu ngế kăn ƀô̆, kih sư, kŏng nhân, mơngế pêi cheăng a kŏng trương.

Troh nôkố, tơdroăng cheăng ki  pêi  hên hiăng châ pêi. Nôkố, mâu tíu pêi cheăng dế tơkŭm pêi bă mơ-eăm khât ‘nâng, vâ troăng kơxái 500 kV troăng 3 pêi lĕm krá tơniăn tro tiô tơdroăng pơkâ thế pro kêi hdrối hâi lơ 30 khế 6 hơnăm 2024.