5 khế hiăng hluâ, tơdroăng cheăng kâ kân Việt Nam tơniăn, liăn chu rơpâ yă châ mơdât, mâu tơdroăng tơdâng kân châ tơniăn; chĕn liăn tơnêi têa, chĕn liăn chin phuh, chĕn kong têa ê ối tung tơdroăng ki ăm phêp; hên pơkâ lâp plâi tơnêi tơngah khât ƀă tối hdrối tơtêk GDP dêi Việt Nam hơnăm 2024 châ dâng lối 6%.

Mơgêi roh hôp, pôa Phạm Minh Chính, Ngế pro xiâm hnê ngăn tơnêi têa hiăng mơnhên inhên, pêi pro roh tơ’lêi, ki tơ’lêi hlâu, maluâ ối pá puât laga khŏm mơ-eăm pêi pro ƀlêi chiâng hnoăng cheăng mơnhông cheăng kâ – rêh ối pơlê pơla hơnăm 2024.

Ngế pro xiâm hnê ngăn tơnêi têa pơkâ thế mâu khu xiâm, kơvâ cheăng pơkuâ troăng hơlâ liăn ngân hbrâ xêh, ƀeăn ƀĕng, teăm tơdrêng, châ tơƀrê; tơrŭm tơdâng tơ’mô, tơtro, krá tơniăn ƀă troăng hơlâ liăn ngân po rơdâ tơtro, ai ki xiâm kối; tơ’lêi hlâu ăm khu tê mơdró ƀă kuăn pơlê châ mung kơxô̆ liăn, ƀă liăn rơkâ tơtro; kơtăng pêi pro mâu troăng tơniăn yă tơmeăm khoăng tung kơchơ mơdró, hbrâ mơjiâng pro ăm hên tơmeăm khoăng, ôh tá lôi ăm ai tơdroăng ki ôh tá bê tơmeăm ƀă mâu tơdroăng mơdró kum ăm kuăn pơlê.