Tiô Ngế xiâm tơpui kâ ƀă kong têa ê, 6 khế apoăng hơnăm 2024, tơdroăng tơrŭm tơpui kâ ƀă kong têa ê ‘na cheăng kâ hiăng châ pêi pro tơtro ƀă châ tơƀrê, veăng kum păng ‘nâng tung mơnhông cheăng kâ – rêh ối pơlê pơla. Tung 36 tơdroăng tơpui kâ ƀă kong têa ê khu râ kăn xiâm sap apoăng hơnăm troh nôkố, tơdroăng xiâm cheăng kâ pơtối chiâng tơdroăng ki xiâm, djâ châ tơƀrê inhên, păng ‘nâng, kĭ tơkêa châ hên tơdroăng tơkêa, môi tuăn tơrŭm cheăng ƀă mâu khu tơrŭm.

Ngế pro xiâm hnê ngăn tơnêi têa tối ăm ‘nâi, nôkố Việt Nam mơnhên kơjo má môi ăm tơtêk, ing mê thế tơkŭm pêi pro nếo mâu tơdroăng tơtêk tiô khôi vâi krâ nah mê cho tơmeăm xúa, mơ’no liăn cheăng ƀă tê tơmeăm ngi kong têa ê; pơkâ mâu kơ koan teăng mâ Việt Nam a kong têa ê kal tơkŭm tung tơdroăng tê tơmeăm ngi kong têa ê.

Vâ tiah mê thế mơdêk kơchơ mơdró tê tơmeăm ngi kong têa ê, pơhlêh tíu tơrŭm cheăng, mơdêk tơrŭm cheăng kâ, tê mơdró, mơ’no liăn cheăng, trâm mâ pơla kuăn pơlê, mơdêk ôm hyô; tơkŭm kơbông krếo mơ’no liăn cheăng, po rơdâ tơtêk ăm mâu tơdroăng ivá tơtêk nếo.