Tơpui a rôh mơgêi Rôh hôp, pôa Phạm Minh Chính, Ngế pro xiâm hnê ngăn Chn phuh tối nhên, hơ’lêh kơxô̆ hiăng chiâng tơdroăng ki pêi pro hên hĭn, troăng mnhông, cho tơdroăng ki rơhêng vâ ƀă tơdroăng rah xo tung la ngâ.

Mơhno nhên mâu ƀă hriâm ki rơkê tung hnoăng cheăng hơ’lêh kơxô̆, Ngế pro xiâm hnê ngăn Chin phuh pơkâ thế tung la ngiâ ah, mâu khu xiâm, kơvâ cheăng, kong pơlê kơjo kum ‘na kơxô̆ liăn, tơbleăng tơdâng tơ’mô mâu hnoăng cheăng, troăng hơlâ ‘na hơ’lêh kơxô̆ hiăng mơ’no, mơ-eăm pêi tơƀrê ƀă tơkâ luâ mâu tơdroăng pơkâ vâ pêi, hnoăng cheăng a Tơdroăng hơ’lêh kơxô̆ tơnêi têa ƀă Túa pơkâ pêi pro dêi Vi ƀan Tơnêi têa ƀă mâu tơdroăng cheăng tung la ngâ ‘na mơnhông Chin phuh kơxô̆, cheăng kâ kơxô̆, pơlê pơla kơxô̆, yưh liê̆u kơxô̆, tung tơdroăng ki xo kuăn pơlê, khu mơdró kâ cho ki xâm, cho inâi ƀă cho tơdroăng vâ pêi tung hơ’lêh kơxô̆ ƀă athế tối tro, tối khât, pêi khât, vâ kuăn pơlê, khu mơdró kâ châ pơxúa khât mâu tơdroăng ki pêi pro tơƀrê mê xua hơ’lêh kơxô̆ djâ ăm, ôh tá lôi kơbố tro lôi pa rŏng”.