Pôa Phạm Minh Chính, Ngế pro xiâm hnê ngăn tơnêi têa khĕn kơdeăn khu ki bro châ pơtroh ing kơpong tung lâp tơnêi têa vêh pêi cheăng ăm tơdroang tơkêa kố, xuân môi tiah tơdroăng ki tơdjuôm ivá veăng gum dêi Đoân Droh rơtăm hiăng kơhnâ pêi pro; mâu tíu pêi cheăng pêi ôh ti xê gum mâu kế tơmeăm, rơxế mê ối a hên túa tơmiât rơkê ‘na kih thuât, pơto chơ mâu kế tơmeăm, mọiâng bro.

Ngế pro xiâm hnê ngăn Chin phuh pơkâ thế khu ki pêi pro ƀă kuăn pơlê kong pơlê pơtối tơrŭm tŏng kum dêi rơpó mơdêk tơbleăng pro tơdroăng tơkêa, tơdrêng amê hlối tơkŭm po pêi klêi, mơdrếo tơnêi tơníu, kong prâi, rơhêng vâ đoân viên, droh rơtăm kong pơlê pơtối mơdêk hiâm mơno tơrŭm, pâ nhuô̆m tơnêi têa, kơhnâ veăng bro tơdroăng tơkêa, xuân môi tiah mâu tơdroăng, kế tơmeăm, tơdroăng tơkêa tơnêi têa ki ê, xua vâ pro pơxúa dêi tơnêi têa ƀă pơlê cheăm; mơ-eăm tâp klêi mâu trăng a hâi lơ 27/6.