A rôh tơdah, pôa Phạm Minh Chính, Ngế pro xiâm hnê ngăn tơnêi têa khĕn kơdeăn mâu tơdroăng cheăng pêi dêi Kŏng ti pêi cheăng tiô rơnó pro Ko kơmăi ƀă kơjôi rơxế lơtreng Đại Liên ƀă tối tiah kố, ing tơdroăng tơrŭm cheăng kal kí tơniăn lĕm, Việt Nam ƀă Sinuâ kal mơdêk tâ nếo tơrŭm cheăng, tơdjêp péa tơdroăng cheăng kâ, tung mê, ai tơdroăng cheăng pro troăng rơxế lơ treng - kố cho tơdroăng cheăng ki Việt Nam dế kal vâ khât ƀă kal pro tơdrêng tung mâu hơnăm a chê kố.

Tung mê, péa pâ hiăng vâ môi tuăn tơdjêp troăng rơxế lơ treng ki kŭn pá prôk tiô pơkâ tơkâ luâ tơkăng kong, mâu troăng rơxế lơ treng  ki kŭn pá prôk tiô pơkâ sap ing Lào Cai - Hà Nội - Hải Phòng, sap Đồng Đăng - Hà Nội, sap Móng Cái - Hạ Long- Hải Phòng, kố cho mâu troăng ki kal mơjiâng pro vâ mơdêk tơrŭm cheăng kâ, tê mơdró pơla péa pâ.