Pôa Phạm Minh Chính, Ngế pro xiâm hnê ngăn tơnêi têa mơnê, mơnhên tối khât pôa Thomas Vallely hiăng ai hên ivá veăng kum kal khât, malối tung kơvâ hnê hriâm ƀă tơpui kâ troăng hơlâ, veăng gum pro pơxúa tơƀrê pơkuâ cheăng kâ ƀă ‘mâi mơnhông, mơdêk tơrŭm cheăng Việt Nam - Mih.

Ngế pro xiâm hnê ngăn tơnêi têa pâ thế Yăo sư Thomas Vallely ƀă mâu khu ki rơkê pơtối tŏng kum Việt Nam tung tơdroăng ki tiâ mơnhên troăng hơlâ, hnê tối ‘na kong ngê̆, hnê mâu ngế cheăng, tối tơdroăng ki rơkê plĕng tung pơkuâ tơdroăng rơkê; pơcháu mâu khu xiâm, kơvâ cheăng ƀă Pơlê kong kân Hồ Chí Minh xúa rơkê mâu troăng hơlâ, pro tơ’lêi hlâu ăm mâu kong têa tơrŭm cheăng, khu ‘no liăn cheăng tối tơdjuôm ƀă Đăi hok Fulbright Việt Nam tối krê pêi cheăng, mơnhông tung tơdroăng ki pêi pro tiô luât pơkâ.