A roh trâm mâ kuăn pơlê, Khu râ kăn teăng mâ Kuô̆k hô̆i hiăng tơbleăng tơdroăng châ tơƀrê hneăng hôp má tơpah, Kuô̆k hô̆i hneăng má XV ƀă mâu tơdroăng dêi Khu râ kăn teăng mâ Kuô̆k hô̆i pơlê kong kân a hneăng hôp má tơpah, tơdrêng amê tơmâng xo, mơnhên mâu rơkong tơpui, pâ thế dêi kuăn pơlê vâ tơkŭm tâi tâng, tơbleăng troh kơ koan cheăng mâu rơkong tơpui, pâ thế dêi kuăn pơlê ối tung hnoăng tơleăng mâu pơkâ.

Xông tơpui a roh trâm mâ kuăn pơlê, pôa Phạm Minh Chính, Ngế pro xiâm hnê ngăn tơnêi têa hiăng tơbleăng tối troh kuăn pơlê ‘na tơdroăng mơnhông cheăng kâ rêh ối pơlê pơla dêi tơnêi têa, mâu hnoăng cheăng, troăng pêi ki xiâm tung la ngiâ. Rơtế  amê Ngế pro xiâm hnê ngăn tơnêi têa hiăng tối mâu troăng mơnhông la ngiâ mơnhông Cần Thơ tung la ngiâ ƀă tiâ inhên rơkong kơ-êng ‘na mâu tơdroăng châ kuăn pơlê tơpui tối.