Ngế pro xiâm hnê ngăn tơnêi têa mơnhên, kheăn kơdeăn ƀă rơkâu mâu tơdroăng châ tơƀrê ki kal ki Đảng ƀô̆, khu râ kăn pơkuâ, khu lêng ƀă kuăn pơlê kong pơlê Hưng Yên hiăng châ tơƀrê tung pơla kố nah. Ngế pro xiâm hnê ngăn tơnêi têa tối nhên ‘na hnoăng dêi pơkâ pêi tung mơnhên troăng prôk la ngiâ pêi pro, xúa châ tơƀrê tơmeăm khoăng, tơdrêng amê xuân pơkâ, troăng tơmiêt pêi pro, hnoăng cheăng ki xiâm dêi tơdroăng pơkuâ pêi pro.

Ƀă pơkâ xiâm pơkâ pêi cho troh hơnăm 2030, chiâng kong pơlê kơmăi kơmok tiô rơxông nếo, cheăng kâ kân ƀă tơdroăng ki mơnhông tung khu ối má môi lâp tơnêi têa; troh hơnăm 2050 chiâng pơlê kong kơdrâm ối tung Tơnêi têa, pơlê kong kơdrâm rơkê, kro mơdrŏng, rơkê. Ngế pro xiâm hnê ngăn tơnêi têa pơkâ, Hưng Yên thế thăm pêi pro tung tơdroăng po rơdâ, pêi inhên mâu pơkâ pêi.

Pêi pro lĕm tro troăng prôk la ngiâ mơnhông mâu kơvâ; tơkŭm mơnhông kơmăi kơmok rơxông nếo, kŏng ngê̆ kơxô̆, on tơhrik, têa châu têa kơxăng, hângh pơklêp meăm, mơjiâng pro kơmăi kơmok, pro tơmeăm kâ, tơmeăm khăm pơlât. ‘Na pêi chiâk deăng, mơnhông tiô troăng sinh thái, kŏng ngê̆ chal nếo, krá tơniăn, dâi lĕm.