A rôh pêi cheăng, pôa Bùi Thanh Sơn Ngế pro xiâm phŏ hnê ngăn tơnêi têa hiăng tơmâng kăn hnê ngăn kong pơlê Cao Bằng tơbleăng tơdroăng ki tro tơ’nhiê, lŭp xua kong prâi pro, malối cho khía rôh má 3 plong mot. Ing mê, kong prâi pro ôh tá tơniăn ing apoăng hơnăm troh nôkố hiăng pro Cao Bằng lŭp lối 248 rơtal liăn, krê khía mơhot kân rôh má 3 plong mot  hiăng pro 45 ngế hlâ, 15 ngế tro rong ƀă 9 ngế hía, vâ chê 1.500 toăng hngêi, lối 1.600 ha báu prá, alâi loăng plâi tro têa luô.

Pôa Bùi Thanh Sơn, Ngế pro xiâm phŏ hnê ngăn tơnêi têa, Ngế xiâm tơpui kâ pơkâ thế kong pơlê Cao Bằng pơtối thâ tăng mơngế hía xua kong prâi pro; hlối rĕng pêi tơdroăng tơkâ luâ kong prâi pro ôh tá tơniăn, malối tơdroăng têa luô, tơnêi kơđu troăng ôh tá ai troăng prôk nôkố.  Kong pơlê kal thế pêi tro tơdroăng tŏng gum kế kâ, têa ôu, tơmeăm xúa ăm kuăn pơlê kơpong tro tơnêi tơhnâp ƀă kuăn pơlê kơpong ki klâ krê ôh tá ai troăng prôk.