Tung tơdroăng lăm pôu pêi cheăng a kong têa Kŏng hoa Chile, a pơlê kong xiâm Santiago de Chile, pôa Lương Cường, Kăn xiâm hnê ngăn tơnêi têa ƀă Khu râ kăn xiâm Việt Nam hiăng troh lăm pôu, tơpui tơno ƀă kăn ƀô̆, mâu ngế pêi cheăng Kơ koan teăng mâ rơtế rơtế teăng mâ mơngế Việt Nam dế rêh ối, pêi cheăng ƀă hriâm tâp a Chile. A roh trâm mâ, Kăn teăng mâ Việt Nam a Chile tơbleăng ƀă pôa Lương Cường, Kăn xiâm hnê ngăn tơnêi têa ‘na tơdroăng pêi cheăng dêi Kơ koan teăng mâ ƀă mơngế Việt Nam dế rêh ối, pêi cheăng a Chile.

Kăn teăng mâ mơnhên tung tơdroăng tơrŭm cheăng tiô khôi vâi krâ nah, châ tơbêng ing hên rơxông khu râ kăn pơkuâ ƀă kuăn pơlê péa tơnêi têa, hnoăng cheăng ki xiâm, đi đo dêi Kơ koan teăng mâ Việt Nam a Chile cho tơdroăng rak tơrŭm cheăng kal kí lĕm tro pơla péa tơnêi têa. Kăn ƀô̆, nhân viên Kơ koan teăng mâ ƀă pơlê pơla mơngế Việt Nam a Chile đi đo loi tơngah a troăng prôk la ngiâ, troăng hơlâ dêi Đảng ƀă Tơnêi têa, xuân môi tiah tíu cheăng rế hía rế xông tơtêk dêi tơnêi têa ƀă loi tơngah tung rơxông xông tơtêk rơdêi dêi hdroâng mơngế.

Tung tơdroăng roh lăm pôu pêi cheăng Chile, pôa Lương Cường, Kăn xiâm hnê ngăn tơnêi têa tơdah pôa Lautaro Carmona Soto Kăn hnê ngăn Đảng kŏng san Chile; tơdah khu râ kăn Viê̆n Văn hóa Chile – Việt Nam.