Tơpui a rôh trâm mâ, pôa Lương Cường, Kăn xiâm hnê ngăn tơnêi têa tối phiu ro ƀă ƀriê tung hiâm mơno châ trâm tâi tâng khu kăn pơkuâ, kong chưk, viên chưk, ngế pêi cheăng dêi Ƀơrô cheăng Kăn xiâm hnê ngăn tơnêi têa, kơ koan kô tơrŭm, rơtế ƀă gum Kăn xiâm hnê ngăn tơnêi têa pêi dêi hnoăng cheăng tung tíu cheăng ki nếo châ Đảng, Tơnêi têa ƀă Kuô̆k hô̆i loi, pơcháu.

Klêi kơ’nâi tơmâng tối tơbleăng ‘na tơdroăng cheăng, hnoăng cheăng ƀă túa pơkâ pêi tung la ngiâ, Kăn xiâm hnê ngăn tơnêi têa tối tiah kố vâ pêi klêi rơkê tro hnoăng cheăng, pakĭng ivá mơ-eăm dêi tơná, tơdroăng tơmâng ngăn, tŏng gum dêi mâu kăn pơkuâ Đảng, Tơnêi têa, mâu kơ koan Tơnêi têa, khu xiâm, kơvâ cheăng, kong pơlê, xuân rơhêng vâ châ xo tơdroăng ki tŏng gum, rơtế prôk dêi mâu kăn xiâm phŏ hnê ngăn tơnêi têa, dêi kăn ƀô̆, kong chưk, ngế pêi cheăng dêi Ƀơrô cheăng vâ pêi klêi tơniăn tro hnoăng cheăng ki kân tung hnoăng cheăng cho ngế ối a ko Tơnêi têa; xuân môi tiah teăng mâ Tơnêi têa ‘na tơdroăng cheăng tung tơnêi têa, tơdroăng cheăng kong têa ê, pêi pro tŭm têk mâu hnoăng cheăng, hnoăng pơkuâ dêi kăn xiâm hnê ngăn tơnêi têa châ Luât pơkâ.