Pôa Nguyễn Trọng Nghĩa, ngế xiâm pơtâng tối tơdroăng kal tơnêi têa pơkuâ po rôh trâm mâ kố. Akố, mâu kăn hiăng hmâng tối tơbleăng ‘na mâu tơdroăng klêi kơ’nâi tơdroăng pêi pro rơhéa ‘na hnoăng cheăng tối tơbleăng tơdroăng kal, hnê tối tung hlá tơbeăng, chêh in mơ’no, văn hóa nghê̆ thuât tơbleăng Pơkâ Hneăng hôp 13 dêi Đảng; hnoăng cheăng hbrâ rơnáu mâu tơdroăng cheăng ki kơhnâ rơkê, ai pơxúa tơmiât troh Tơbâ 70 hơnăm Ƀlêi trâng Điện Biên phủ.

Kăn pơkuâ mâu kơ koan chêh hlá tơbeăng, chêh in mơ’no, văn học nghê̆ thuât pêi pro châ tơdroăng rơhêng vâ tung chal nếo. Pôa Nguyễn Trọng Nghĩa, ngế xiâm pơtâng tối tơdroăng kal tơnêi têa pơkâ thế tung la ngiâ ah, khu râ Đảng, khu tơrŭm cheăng Đảng, kăn pơkuâ kơ koan hnê mơhno, pơkuâ ngăn, kơ koan xiâm, kơ koan chêh hlá tơbeăng, chêh in mơ'no, mâu hô̆i văn học nghê̆ thuât kơpong Tơbăng peăng kong ngo Pa Kơnhŏng tơbleăng mâu tơdroăng pơkâ, Mơgêi dêi Đảng, Kuô̆k hô̆i ƀă mâu tơdroăng, túa pơkâ pêi pro dêi Chin phuh.