Tung tơdroăng kân krip, pôa Nguyễn Xuân Thắng rơtế khu râ kăn pêi cheăng ƀă khu râ kăn pơkuâ kong pơlê hiăng ‘măn hơvĭng reăng, têk nhang mơhno hiam mơno nhuô̆m, mơnê pôa Trần Phú, Kăn xiâm pơkuâ hnê ngăn Đảng hneăng hdrối ƀă mâu tơdroăng veăng kum kân kĭn ăm tơdroăng pêi cheăng kăch măng dêi Đảng, dêi hdroâng mơngế ƀă Kuăn pơlê pin.

Pôa Trần Phú cho kăn pơkuâ ki rơkê, ngế lêng kŏng san môi tuăn môi hiâm mơno troh tá tui lui, hiăng plâ rơxông tơplâ, pleăng hnoăng cheăng xua tơniăn krê, tơniăn lĕm dêi Tơnêi têa, xua hơniâp dêi kuăn pơlê. Kơxê lơ 16/4, a Hà Tĩnh, Hok viê̆n Chĭnh trĭ Kuô̆k ya Hồ Chí Minh, Khu pơtâng tối Tơnêi têa ƀă Tĭnh ủy Hà Tĩnh tơrŭm tơkŭm po Hneăng hôp khoa hok dó inâi: ‘’Pôa Trần Phú, Kăn xiâm pơkuâ hnê ngăn Đảng hneăng hdrối – Lêng kŏng san môi tuăn môi hiâm mơno troh tá tui lui, ôh tá hêng thu mâu lêng kong têa ê, ngế kuăn ki rơkê dêi hdroâng mơngế Việt Nam’’.