Teăng mâ Chin phuh, pôa Phạm Minh Chính, Ngế pro xiâm hnê ngăn tơnêi têa mơnhên, kheăn kơdeăn, mơnhên mâu tơdroăng châ tơƀrê ki mâu khu xiâm, kơvâ cheăng, kong pơlê hiăng mơ-eăm châ tơƀrê, ki rơhêng vâ tối cho 11 khu xiâm, kơvâ cheăng, kong pơlê hiăng mơ-eăm châ tơƀrê, ki rơhêng vâ tối cho 11 khu xiâm, kơ koan ƀă 35 kong pơlê ai kơxô̆ liăn mơ’no a kơlo tơdâng dêi lâp tơnêi têa, ki má lối cho mâu kong pơlê peăng tơdế Tơnêi têa, kum kal khât tung mơnhông cheăng kâ – rêh ối pơlê pơla tung pơla kố nah.

Ngế pro xiâm hnê ngăn tơnêi têa tối nhên, hơnăm 2024 thế cho hơnăm châ tơƀrê tung mơ’no liăn cheăng tơnêi têa, pro tơ’lêi hlâu kêi đeăng mâu pơkâ mơnhông cheăng kâ – rêh ối pơlê pơla hơnăm 2024 ƀă mơ-eăm troh hơnăm 2025, ki má lối cho 3.000 km troăng kân ăm phêp rơxế kơtâu têi.

Ngế pro xiâm hnê ngăn tơnêi têa pơkâ mâu Ngế xiâm, Kăn pơkuâ kơvâ cheăng, Kăn hnê ngăn Vi ƀan kuăn pơlê râ kong pơlê tơkŭm pêi pro kơtăng mâu Pơkâ Chin phuh, Pơkâ pêi, Hlá Mơ-éa chêh ki kal dêi Ngế pro xiâm hnê ngăn Chin phuh ƀă mâu mơ-éa hnê mơhno dêi khu râ kăn pơkuâ Chin phuh ‘na mơhnhôk xing xoăng, mơ’no kơxô̆ liăn cheăng tơnêi têa hơnăm 2024.