Tối ăm Kăn hnê ngăn ASEAN BAC mâu kong têa ‘na tơdroăng kong prâi pro xua kong mêi khía mơhot roh má 3 ƀă mêi kân têa lân lu, têa lu pro mâu hâi hiăng hluâ a mâu kong pơlê peăng Kơnhŏng Việt Nam, pôa Phạm Minh Chính, Ngế pro xiâm hnê ngăn Chin phuh nhuô̆m mơnê Kăn hnê ngăn ASEAN BAC mâu kong têa hiăng tối ƀă veăng kum rơtế Việt Nam rơnêu kế tơmeăm khoăng.

Ngế pro xiâm hnê ngăn Chin phuh rơkâu mâu tơdroăng châ tơƀrê dêi Hneăng hôp ASEAN BAC roh má 101 nếo tơkŭm po a Hà Nội ƀă mâu pơkâ, pâ thế tung tơbleăng ‘na tơdroăng dêi ASEAN BAC tung hơnăm 2024; pói tơngah mâu tơdroăng ki xiâm kơjo ki Hô̆i đong dế pêi pro kô kum mơdêk ó rơdêi tơdroăng pơhlêh nếo, pêi kêi đeăng pơkâ pêi, troăng hơlâ, tơ’lêi hlâu pơhlêh tung tê mơdró ƀă mơ’no liăn cheăng, pơhlêh pêi cheăng xúa kŏng ngê̆, mơnhông krá tơniăn ƀă tâi tâng dêi ASEAN, ki má lối cho mâu tơdroăng mơhnhôk tơtêk nếo... Ing mê, gum khu tê mơdró tơleăng mâu tơdroăng pá puât ƀă xúa mâu roh tơ’lêi vâ mơnhông.