A roh tơdah, pôa Phạm Minh Chính, Ngế pro xiâm hnê ngăn tơnêi têa phiu ro khu râ kăn teăng mâ Chin phuh Lếo troh lăm pôu pêi cheăng a Việt Nam ƀă loi tơngah roh lăm pôu pêi cheăng kô châ tơƀrê lĕm, pơtối veăng gum kal khât tung tơdroăng thăm mơdêk tơrŭm cheăng nhŏng o kân kĭn, tuăn pâ ki má môi ƀă tơrŭm tâi tâng krá tơniăn pơla Việt Nam - Lếo; tơdrêng amê, pơkâ thế Khu xiâm tơpui kâ péa tơnêi têa pơtối tơrŭm krá tơniăn hbrâ lĕm tro má môi tơdroăng tơpui khu râ kăn xiâm tung la ngiâ.

Ngế pro xiâm phŏ hnê ngăn kong têa, Ngế xiâm tơpui kâ kong têa Lếo mơnhên Đảng, Tơnêi têa ƀă kuăn pơlê Lếo kô pơtối rơtế ƀă Đảng, Tơnêi têa ƀă kuăn pơlê Việt Nam tơbêng ƀă rak tơrŭm cheăng nhŏng o kân kĭn, rŭm môi tuăn ki má môi ƀă  tơrŭm tâi tâng Việt Nam – Lếo. Hdrối mê, pôa Trần Lưu Quang, Ngế pro xiâm phŏ hnê ngăn tơnêi têa hiăng tơpui tơno ƀă Ngế pro xiâm phŏ hnê ngăn Chin phuh, Ngế xiâm tơpui kâ kong têa Lếo rơtế khu râ kăn pêi cheăng râ xiâm, kơvâ cheăng dêi Chin phuh Lếo.