A rôh tơpui tơno, péa Ngế pro xiâm hnê ngăn kong têa hiăng môi tuăn mơdêk tơbleăng tơƀrê Tối tơbleăng tơdjuôm Việt Nam – Sinuâ ‘na tơdroăng pơtối pêi trâu hơngế ƀă mơdêk tơrŭm cheăng ƀă kong têa tơrŭm tung la ngiâ tŭm têk, mơjiâng Pơlê pơla tối tơbleăng tơdroăng cheăng tung la ngiâ Việt Nam – Sinuâ ai pơxúa tung la ngiâ tiô troăng “6 lối”; rak vế tơpui tơno, trâm mâ khu râ kăn xiâm ƀă rêm râ, mơdêk tơdroăng ki trâm mâ, tơrŭm pơla Đảng, pơla péa Chin phuh, Kuô̆k hô̆i/ Kuăn pơlê, Măt trâ̆n Tơnêi têa/Tơdroăng tơrŭm xiâm péa tơnêi;

po rơdâ tơrŭm cheăng tung mâu kơvâ cheăng ki kal môi tiah tơpui kâ, tơdroăng cheăng lêng, gâk kring; thăm mơdêk tơrŭm ai pơxúa tung mâu kơvâ cheăng ƀă trâm mâ tơrŭm tơroâ pơla mâu kong pơlê ƀă mâu tâi tâng kuăn pơlê; mơjiâng bro troăng tơkăng kong a tơnêi hơniâp lĕm, tơniăn, tơrŭm ƀă mơnhông; séa ngăn tro mâu tơdroăng ki ôh tá môi tuăn, rak vế hơniâp lĕm, tơniăn a têa kơxĭ; thăm mơdêk tơrŭm tung mâu rôh hôp kong têa ê ƀă tung kơpong.