Tiô tơbleăng dêi kong pơlê Yên Bái, lâp kong pơlê ai 2.700 tíu tơhnâp a tâi tâng mâu tơring, pơlê kong krâm, pơlê kong kơdrâm; tung mê, krê pơlê kong kơdrâm Yên Bái ai vâ chê 1 rơpâu tíu.

Séa ngăn tơdroăng rơnêu kế tơmeăm khoăng xua têa lân lu pro ƀă kơ-êng mơhnhôk kuăn pơlê, khu kŏng an, khu lêng, droh rơtăm, pôa Phạm Minh Chính, Ngế pro xiâm hnê ngăn tơnêi têa rơrêk tung hiâm mơno pơtroh rơkong mơhnhôk kuăn pơlê ƀă mâu khu cheăng, Ngế pro xiâm hnê ngăn tơnêi têa pói vâ kuăn pơlê rĕng rơnêu tơmeăm khoăng tơ’nhê ƀă tơkâ hluâ pá puât kố rĕng tơniăn tơdroăng rêh ối, mâu khu cheăng kum kuăn pơlê, rơtế kuăn pơlê rơnêu kế tơmeăm khoăng xua têa lân lu pro.