Veăng lăm ngăn tíu hriăn plĕng, mơjiâng ƀă mâu tơmeăm kŏng ngê̆ rơxông nếo ki má môi xua Viettel hriăn plĕng ƀă mơjiâng tung 3 kơvâ cheăng: cheăng lêng, hngêi trăng tơmeăm mơ’no hyôh, tơmeăm kuăn pơlê xúa. Pôa Phạm Minh Chính, Ngế pro xiâm hnê ngăn tơnêi têa mơnhên, kheăn kơdeăn mâu tơdroăng châ tơƀrê ‘na tơdroăng hriăn plĕng, mơjiâng kŏng ngê̆ rơxông nếo dêi Grup pơkuâ Viettel.

Ngế pro xiâm hnê ngăn Chin phuh pơkâ Viettel tơkŭm pêi pro mâu hnoăng cheăng ƀă 3 tơdroăng djâ troăng ahdrối tung la ngiâ, cho pơhlêh nếo tơmiât pêi rơkê, khên tơmiât, khên pêi, khên pôu râng hnoăng cheăng, ƀă djâ troăng ahdrối tung pơkuâ, xúa châ tơƀrê mâu kơxô̆ liăn dêi Tơnêi têa mơ’no ăm mơnhông kơmăi kơmok. Ngế pro xiâm hnê ngăn tơnêi têa pơkâ thế Viettel pơtối pêi pro lĕm tro tâ mê nếo troăng tơmiât pêi la ngiâ ƀă hnoăng dêi tơná vâ pêi pro mâu hnoăng cheăng châ pơcháu.