Tơbleăng mơgêi hâi pêi cheăng, Ngế pro xiâm hnê ngăn tơnêi têa pơkâ thế, tung la ngiâ, kong pơlê Hòa Bình pêi tơƀrê tơdroăng Pơkâ hiăng kĭ, tí tăng ‘nâi tơmeăm khoăng ki phá tơ-ê, rôh tơƀrê, tơ’lêi hlâu tung tơbriât cheăng; pêi tro tiô troăng rơhlâ, mâ ngăn, pơkâ mơnhông tơƀrê; mơjiâng tơdroăng mơnhông tơƀrê nếo, pro ki pơxúa nếo.

‘Na mâu tơdroăng cheăng, troăng rơhlâ ki kal Ngế pro xiâm hnê ngăn tơnêi têa pơkâ thế, Hòa Bình thế đi đo pơ’lêh nếo, mâ ngăn mơnhông tơƀrê, tăng ngăn hên tơmeăm ki ai khât tung tá, malối cho pơtối rak vế tơdroăng ton nah, túa lĕm tro; mơjiâng mâu kơpong xiâm ki pro xiâm mơnhông tơƀrê.

Mơnhông mâu kơvâ cheăng vâ mơdêk tơdroăng cheăng , tơkŭm hên  a kơmăi kơmok  uâ mơdiê pro tơmeăm, kơmăi ki dâi lĕm; ôm hyô ngăn nhâ loăng kuăn kiâ, pơtê, tơ’noăng ivá, Túa lĕm tro vêa vong ƀă hên ki ê, pêi chiâk pê lo tơmeăm krúa, hưh cơ, tơƀrê lĕm. Mơdêk ki tơƀrê tung tơrŭm cheăng kâ, tơdjêp ƀă kơpong pơla Tây Bắc ƀă pơlê kong xiâm Hà Nội, kơpong tơbăng Kroăng Hồng.