Tơdroăng pêi pro đê án 06 hiăng djâ châ hên tơdroăng châ tơƀrê ki nhên, ki kal tung pơkuâ, hnê mơhno dêi mâu khu râ, kơvâ cheăng, kong pơlê ƀă kum tung tơdroăng mơnhông cheăng kâ – rêh ối pơlê pơla, xing xoăng ki pơxúa ăm kuăn pơlê, khu tê mơdró. Đê án 06 hiăng ai hnoăng djâ troăng ahdrối, chông djâ tung mơdêk pơhlêh xúa kŏng ngê̆ tơnêi têa, pơhlêh nếo troăng pêi pơkuâ ki kơnâ tơnêi têa ƀă kih thuât kơxô̆, kum mơdêk mơnhông Chin phuh xúa kŏng ngê̆, cheăng kâ  xúa kŏng ngê̆, pơlê pơla xúa kŏng ngê̆, kuăn pơlê xúa kŏng ngê̆.

Ngế pro xiâm hnê ngăn tơnêi têa pơkâ hneăng hôp tơkŭm mơnhên ôh tá tơdjâk pa kong, ai chêh inhên ‘na tơdroăng châ tơƀrê pêi pro hnoăng cheăng; tối mâu tơdroăng hiăng chiâng pêi pro, mâu tơdroăng ki ôh tá tơvâ, tá hâi tơtro. Tơdrêng amê pơkâ mâu troăng pêi ‘na pơkâ pêi, troăng hơlâ, mơ’no liăn mơjiâng troăng kŏng ngê̆, mơjiâng mơngế chiâng xúa kŏng ngê̆, tơniăn gâk kring măng, tơniăn tơdroăng ki kal.