Hâi lơ 13/6, xua tơdroăng pơkuâ po dêi pôa Phạm Minh Chính, Ngế pro xiâm hnê ngăn Chin phuh, Chin phuh hôp Rôh hôp ki kal ‘na mơjiâng Luât khế 6 vâ tơpui tơno ‘na 3 tơdroăng tơkêa Luât ƀă 3 tơdroăng pơkâ mơjiâng Luât mê cho mâu tơdroăng tơkêa luât: Luât Trếo pơkeăng ki ‘mâi hơ’lêh; Luât ‘mâi hơ’lêh, ‘mot tơ’nôm mâu tơdroăng dêi Luât Mơđah tơbleăng; Luât ‘mâi hơ’lêh, ‘mot tơ’nôm mâu tơdroăng dêi Luât Tro tơdroăng pơkâ ƀă túa tro túa pơkâ kih thuât ƀă mâu tơdroăng pơkâ thế mơjiâng luât: Luât hlá mơ-éa ki kal; Luât Hbrâ mơdât pơreăng; Luât ‘mâi hơ’lêh, ‘mot tơ’nôm mâu tơdroăng dêi luât Ƀaoh hiêm khăm pơlât.

Tối tiah kố 06 tơdroăng ki kal a Rôh hôp mơjiâng luât khế 6/2024 pơrá cho mâu tơdroăng ki ai tơdroăng rơdâ, hên tơdroăng kal, Ngế pro xiâm hnê ngăn Chin phuh pơkâ thế mâu ngế cheăng tung Chin phuh tơkŭm tuăn ngoâ, pơtối hơ’lêh nếo; tơkŭm tơpui tơno ‘na mâu tơdroăng ki kal, ối ai mâu rơkong tơpui tối phá ra phá dêi rơpó kal châ tơpui tơno, pâ rơkong tơpui dêi Chin phuh; vâ rak vế tơdroăng rơkê tro dê Rôh hôp.