A rôh tơdah, pôa Phạm Minh Chính, Ngế pro xiâm hnê ngăn tơnêi têa khĕn kơdeăn FIATA hiăng gum khu Mơdró logistics Việt Nam chêh inâi tơkŭm po Hneăng  hôp dêi lâp plâi tơnêi FIATA a hơnăm 2025.

Ăm ‘nâi, nôkố, Chin phuh Việt Nam dế tơbleăng mơjiâng troăng rơhlâ mơnhông ‘na tê mơdró logistics Việt Nam a hơnăm 2025 - 2035, mâu tơdroăng vâ pêi troh hơnăm 2045, Ngế pro xiâm hnê ngăn tơnêi têa  pơkâ thế FIATA tối ăm ‘nâi tơ’nôm mâu tơdroăng, hnê mơhno, veăng gum ‘na tơdroăng pơhlêh kơxô̆ ƀă pơhlêh ngiêt lĕm, tơmâng khât mâu tơdroăng mơnhông logistics ‘na pêi chiâk, cheăng  ‘na kơmăi, mơnhông khu cheăng ‘na tuk têa kơxĭ Việt Nam, mâu tơdroăng cheăng kâ tê mơdró, chơ tơmeăm ƀă gum hnê kih thuât vâ Việt Nam rĕng pêi klêi Troăng rơhlâ tơnêi têa ‘na mơnhông tê mơdró logistics tung hơnăm 2024.